Кукмарада унтугыз күпфатирлы йортка ике контурлы газ мичләре кую күздә тотыла

Быел унтугыз күпфатирлы йортта (барлыгы 765 фатир) ике контурлы җылыткыч мичләр кую күздә тотыла. Бу эшләр республиканың газлаштыру фонды аша башкарыла. Подрядчы - Балтачның "Стройметизт" оешмасы. бүгенге көндә биш йортта әлеге мичләрне кую буенча эшкә керештеләр инде, башка йортларга урнаштыруны да озакка сузмаска уйлыйлар. Кукмара поселогы башкарма комитеты җитәкчесе Фаил Газизов әйтүенчә, 2008 елдан башлап, поселоктагы 58 йорт ике контурлы мичләр белән тәэмин ителгән, аларны халык уңай яктан бәяли.

фото: http://ovk.nx0.ru/galereya_otoplenie.htm