Коррупция фактлары турында хәбәр итү өчен Кукмарада ике урында "Ышаныч тартмасы" куелды

Коррупциягә каршы дәүләт сәясәтен тормышка ашыру, коррупция фактларын ачыклау өчен шартлар тудыру һәм коррупцион күренешләр турында мәгълүмат алу максатыннан район башлыгы "Ышаныч тартмасы" эше турындагы кагыйдәнамәне раслады. Әлеге тартмалар район Советы бинасы фойесында һәм үзәк район дәваханәсендә урнаштырылды. Аларга коррупция фактлары турындагы хат салып калдырырга мөмкин. Әгәр сездә андый мәгълүмат бар икән, "Ышаныч телефоны"на шалтыратып та хәбәр итә аласыз: 2-80-51 - район башлыгының кабул итү бүлмәсе, 2-70-80 - Россия эчке эшләр бүлегенең Кукмара районы буенча бүлеге, 2-64-06 - район башлыгының коррупциягә каршы мәсьәләләр буенча ярдәмчесе. "Ышаныч тартмасы" һәм "Ышаныч телефоннары" эш сәгатьләрендә эшли. Бу турыда безгә район башлыгы ярдәмчесе Гөлшат Нурмөхәмәтова хәбәр итте.

фото: http://gazetamg.ru/news/social/?id=667