Кукмара районында Сабан туе 8-9 июньнәрдә үтәчәк

Район башлыгы карары нигезендә Кукмарада район Сабан туе - 8 июньдә, авыл җирлекләрендә 9 июньдә үткәреләчәк.

Район Сабан туенда урынга чыгып сатуны һәм җәмәгать туклануын оештырырга теләүче юридик затлар һәм эшмәкәрләр район Башкарма комитетының территориаль үсеш бүлегенә хәбәр итәргә тиешләр. Үзегез белән салым органында исәптә торучы белешмәгез булуы зарур.

Бәйрәм көннәрендә урыннарга чыгып сату өчен тәкъдим ителәчәк ризыклар һәм товарлар ассортименты буенча һәм сатуны оештыру өчен белешмәләр алу турында "Роспотребнадзор"ның Кукмарадагы бүлегенә мөрәҗәгать итәргә кирәк.

фото: http://bmsi.ru