Исерек йөртүче 7 пассажир белән баганага бәрелә: үлүче дә бар (Фото 18+)

Бүген иртәнге сәгать 9да Түбән Кама районында Березовая Грива авылыннан ерак түгел урында юл-транспорт һәлакәте булган.

ЮХИДИ хезмәткәрләре әйтүенчә, автомобиль салонында 8 кеше булган. Шуларның өчесе - балалар. Һәлакәт аркасында 1981 елгы ир-ат үлгән. Ул машина йөртүче янында утырып барган. Автомобиль белән идарә итүче 1986 елгы ир-ат исерек булган. Бәрелү аркасында пассажир салоннан очып чыккан һәм аның өстенә машина бәрелгән багана ауган. Балалар - 2008 елгы малай, 2004 һәм 2005 елгы кызлар хастаханәгә озатылган.

чыганак: http://intertat.ru/tt/yanalyklar/item/45802-iserek-y%D3%A9rt%D2%AFche-7-passazhir-bel%D3%99n-baganaga-b%D3%99rel%D3%99-%D2%AFl%D2%AFche-d%D3%99-bar-foto-18%20.html

Фото: efir24.tv