Иртәгә Кукмарада гает намазы 5 сәгать 30 минутта башлана

Иртәгә, 8 августта мөселманнарның иң зур бәйрәмнәреннән берсе - Ураза гаете билгеләнеп үтәчәк. Кукмара мөхтәсибәте карары нигезендә, бу көнне иртәнге намаз сәгать дүрттә, гает намазы 5 сәгать 30 минутта башланачак. Ике намаз арасында вәгазь булачак.

Ураза гаете узган ел 19 августта билгеләнеп үткән иде. Ә беренче тапкыр бу бәйрәмне моннан 1389 ел элек, Согуд Гарәбстаны ярымутравында каршы алганнар. Иртәгә исә Ураза бәйрәмен дөнья буйлап мең ярым миллиард мөселман каршылыячак.