Хат ташучылар арасында конкурс

"Татмедиа" җәмгыяте почтамтлар һәм почта бүлекчәләре хезмәткәрләре арасында икенче яртыеллыкка вакытлы матбугатка яздыру буенча конкурс игълан итте.
Ул "Иң яхшы шәһәр хат ташучысы" һәм "Иң яхшы авыл хат ташучысы" номинацияләре буенча барачак. Ике номинациядә дә 1нче урынга - 34483, икенчесенә - 28736, өченчечегә 22989 сум премияләр каралган. Җиңүчеләрне ачыклаганда аларның "Татмедиа" җәмгыяте газета-журналларына күпме әбүнә оештырулары, аның 2012 елның 2нче яртыеллыгы белән чагыштырганда күбрәк булуы, торак пункттагы һәр мең кешегә күпме туры килүе дә исәпкә алыначак.
Үз чиратыбызда без дә район газеталарына яздыру буенча хат ташучылар арасында ярышыбызны дәвам итәбез, бүләкләребезне әзерләп куйдык.

фото: http://zvst.ru/news/apage12.html