Фото: Якташыбыз Рөстәм Муллинның юбилей кичәсе үткәрелде

Бу театрда безнең сигез райондашыбыз эшли. Минзәлә театры залында барган юбилей кичәсе тамашачыны театр тарихы, артистның гомер юлы буйлап сәяхәт иттерде. Котлау яңгыратырга дип сәхнәгә күтәрелгән барлык татар һәм рус театры әһелләре Рөстәм ага адресына иң җылы теләкләрен җиткерделәр. Күпсанлы бәйрәм кунаклары арасында без -Рөстәм аганың якташлары да, аңа, район җитәкчелегенең котлавын җиткердек. Мәдәният идарәсе җитәкчесе Рамил Нуриев кулыннан "Район алдындагы казанышлары өчен" медален алганда, Рөстәм абый иң зур дәүләт бүләген алгандай куанды. "Тыйнак хәзмәтемә олы бәя биргән якташларыма чиксез рәхмәтлемен, миңа канатлар үскәндәй булды", - диде. Хатыны, ТР халык артисты Рәзилә апа Муллина белән алар әле һаман да иҗатта, яңа образлар тудыралар, Минзәлә театрының алтын баганалары булып яшиләр.

Рәмзия ХӨСӘЕНОВА