Балалар китапханәсендә экология клубының утырышы үтте

Кукмара балалар китапханәсендә "Росинка" экология клубының чираттагы утырышы булып узды. Биредә китапханәче Гөлфия Хафизова балаларны язучы Виталий Бианканың иҗаты белән таныштырып үтте. Быел тууына 120 ел тулу уңаеннан уздырылган әлеге чарада язучының тормыш юлы белән дә таныштырып, презентация күрсәтелде, конкурс, викториналар, кызыклы уеннар уздырылды. Утырыш соңында Виталий Бианка әсәре буенча төшерелгән «Оранжевое горлышко» мультфильмы күрсәтелде, китап күргәзмәсенә экскурсия үткәрелде.

фото: http://www.dubrovno.by/?p=14287