Балалар бакчасында ике бала өстенә агач төшкән

Әлеге хәл 22 июнь көнне Түбән Кама районының Зур Афансова авылы балалар бакчасында була. Агач алты яшьлек малай һәм кызның өстенә төшә. Балаларны тиз арада дәваханәгә илтәләр. Табибларның сүзләренә караганда, кыз бала зыян күрми, ә малайның хәле катлаулырак. Башына көчле бәрелү алган малай табиблар күзәтүе астында. Больницадан чыккач та аның сәламәтлеген участок педиатры һәм невролог тикшереп торачак. Әлеге факт буенча хезмәт урынында тикшерү эшләре алып барыла, дип яза prokazan.ru