Янгында зыян күрүчеләргә бергәләп булышыйк

Үткән атнада җомга көнне Яңа Сәрдек авылында бик зур фаҗига булды. Минемуллиннар хуҗалыгында янгын чыгып, йорт-җир, каралты-кура, мал-туар кара күмергә әверелде. Ә иң аянычы - ут нәтиҗәсендә ике бертуган сабыйның гомере өзелде. Бу хәбәр һәркемне тетрәндерде. Нәниләрне жәләп йөрәкләр кысылды, күзләр яшьләнде.

Район янгын-коткару частеннан алынган мәгълүматларга караганда, ут чыгу турындагы хәбәр 112 ашыгыч номерына 10 сәгать 11 минутта килеп ирешә. Янгын сүндерүчеләр урынга барып җиткәндә ялкын бөтен йорт-җирне камап алган була. Хуҗа кеше өйдә балалар калган булырга мөмкинлеге турында хәбәр итә.

Өч һәм алты яшьлек малайларның әти-әниләре, сабыйларны әби карамагына тапшырып, Кукмарага киткән була. Ә өлкән яшьтәге әби, ут чыкканын күргәч, күршеләренә ярдәм сорарга ашыга. Әмма шул арада килеп җиткән күрше-тирә дә балаларны коткара алмый. Янгында ике сабыйның гомере өзелә.

“Хезмәт даны” редакциясе коллективы балаларның әти-әниләре якыннарының авыр кайгыларын уртаклаша. Бу ачы хәсрәтне күтәрергә сезгә Аллаһы Тәгалә сабырлык, бетмәс-төкәнмәс көч бирсен.

Хөрмәтле райондашлар, тамчыдан күл җыела, диләр. Әлеге гаиләнең кайгысына битараф калмасак, кулдан килгәнчә ярдәм итсәк иде.

Валюта получаемого перевода: Рубли (RUB)
Получатель: ЛЕЙСАН ФАНЗИЛОВНА Миннемуллина
Номер счёта: 40817810262120592380
Банк получателя: ОТДЕЛЕНИЕ "БАНК ТАТАРСТАН" N8610 ПАО СБЕРБАНК
БИК: 049205603
Корр. счёт: 30101810600000000603
ИНН: 7707083893
КПП: 165502001
SWIFT-код: SABRRUMM

Номер карты 5469 6200 1691 9449

реклама