Кукмаралылар Казанда “Форпост” хокук саклау хәрәкәтенең 20 еллыгына багышланган үзешчән сәнгать фестивалендә катнашты

Казанда “Форпост” хокук саклау хәрәкәтенең 20 еллыгына багышланган үзешчән сәнгать фестивале узды. Кукмара данын Лубян урман-техник көллиятенең “Форпост” үзәге командасы яклады. Алар “Әдәби-музыкаль композиция”, “Учак янында җыр” кебек конкурсларда, шулай ук театр, вокал һәм хореография жанрларында көч сынашты. “Әдәби-музыкаль композиция” бәйгесенең “Театр жанры” номинациясендә - икенче, иң яхшы әдәби-музыкаль композиция өчен өченче урын алдылар. Фестивальдә иң матур чыгыш ясаганы өчен Альберт Исрафилов грамота белән бүләкләнде.