Кукмарада «Гаилә тарихында гасырлар кайтавазы» шәҗәрәләр конкурсының муниципаль этабында җиңүчене сайладылар

Кукмарада «Гаилә тарихында гасырлар кайтавазы» шәҗәрәләр конкурсының муниципаль этабында җиңүчене сайладылар, дип хәбәр ителә Кукмара муниципаль районының Инстаграм социаль челтәрендә.

Чара район Мәдәният йортында уза. Бәйгенең муниципаль этабында дүрт гаилә катнаша.

Алар жюрига һәм тамашачыларга үз гаиләләренең шәҗәрәсен тәкъдим итү белән беррәттән, концерт номерлары, гореф-гадәтләрен, милли костюмнарын һәм милли ашларын да күрсәтәләр.

Конкурс нәтиҗәләре буенча Вахит авылыннан Хөсәеновлар гаиләсе җиңүче дип таныла. Алар Кукмара районын фестиваленең республика этабында тәкъдим итәчәк.