Кукмара районында 29 градуска кадәр салкын көтелә

19 февральдә Кукмара районы территориясендә аномаль салкын һава торышы саклана. Бу хакта районның бердәм дежур-диспетчерлык хезмәте хәбәр итә.

«Алмашынучан болытлы һава. Иртән, көндез бераз кар», - диелә хәбәрдә.

Җил юнәлеше алмашынучан, секундына 3-8 метр тизлектә.

Төнлә 22-25 градуска кадәр салкынайта, урыны белән термометр баганалары 29 градуска кадәр төшәчәк. Көндез исә 14-18 градус салкын булачак, дип фаразлана.

Юлларда бозлавык хасил була.

Аномаль салкыннар аркасында районда кисәтү игълан ителде.

Фото: Эльвира Мөбарәкшина/ «Хезмәт даны»