Кукмара районы башлыгы төзелеш мәйданчыкларында булып кайтты
Районыбызда дәүләт һәм республика программалары буенча шактый гына төзелеш, төзекләндерү эшләре алып барыла.
Район башлыгы Сергей Димитриев бүген төзелеш мәйданчыкларында алып барылучы эшнең барышы белән танышты. Ул Зур Кукмара авылындагы «Ялкын» спорткомплексында, шәһәрнең «Ромашка» балалар бакчасында, Камышлы урманы буенда урнашкан «Нараткай» лагерендә булды. Шулай ук Кукмара өченче урта мәктәбе янындагы башлангыч мәктәпнең, Манзарас авылындагы җирлекнең башкарма комитет бинасының да төзелеш барышын карады.
Район башлыгы Сергей Димитриев төзүчеләргә үзенең күрсәтмәләрен бирде, эшне оешкан төстә алып барырга кирәклеген билгеләп үтте.
Фото: Алсу Сәләхетдинова/ «Хезмәт даны»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев