Кукмара өченче урта мәктәбендә «Соңгы кыңгырау» бәйрәме узды

Әле кайчан гына 1 сентябрь — Белем көненә җыелышкан идек, бер ел вакыт узып та китте. Мәктәпләрдә моңсу, күңел кылларын тибрәтә торган «Соңгы кыңгырау» бәйрәмнәре башланды.

Кукмара өченче урта мәктәбен бу уку елында 27 укучы тәмамлый. Залда әти-әниләр, укытучылар урын алган. Сәхнә түрендә — чыгарылыш укучылары. Бәйрәм җырлар, шигырьләр белән үрелеп барды. 

Район мәгариф идарәсе җитәкчесе Илфат Әхмәдуллин, мәктәп директоры Диләрә Ганиева, беренче укытучылары, сыйныф җитәкчеләре укучыларга, тантанага җыелучыларга үзләренең изге теләкләрен, котлауларын ирештерделәр. 

Ак юллар сезгә, егетләр-кызлар!

фото: Алсу Сәләхетдинова/ «Хезмәт даны»