Кукмарага Россия Федерациясе Дәүләт Думасы депутаты Рөстәм Кәлимуллин килде

Районда эш визиты белән дәрәҗәле кунак – Россия Федерациясе Дәүләт Думасы депутаты Рөстәм Кәлимуллин булып китте. 

 Депутат федераль программа кысаларында капиталь төзекләндерелүче Кукмара өченче урта мәктәбендә ремонт барышы белән танышты, проблемалар белән кызыксынды, район Советы бинасында торак-коммуналь хуҗалыгы юнәлешендәге мәсьәләләр буенча сайлаучыларны кабул итте, «Барс-Арена» спорт сараенда тренерлар, спортчылар белән очрашты.  

«Кукмаралыларның спортта алдынгы икәннәрен беләбез. Алга таба да призерлар рәтеннән төшмәссез дип ышанам. Чөнки сездә мөмкинлекләр бик зур, файдалана гына белү кирәк. Татар халкының йөзек кашы булган милли көрәшне дә онытасы түгел.», - диде Рөстәм Галиулла улы түгәрәк өстәл артында сөйләшү барышында.

Фото: Алсу Сәләхетдинова/ «Хезмәт даны»