Кукмара ЗАГС бүлегендә бу елның беренче игезәк балаларын теркәделәр

14 март көнне Кукмара районы ЗАГС бүлегендә 2022 елның беренче игезәк балалары теркәлде. Бу хакта бүлек начальнигы Лилия Гомәрова хәбәр итте.

2 март көнне Киндеркүл авылыннан Алинә һәм Илназ Зариповлар гаиләсендә ике малай - Морат һәм Марат дөньяга килде. Алар гаиләдә өченче һәм дүртенче балалар.

ЗАГС бүлеге хезмәткәрләре бәхетле әти-әнигә сабыйларның беренче документлары - туу турында таныклыкларын һәм истәлек бүләкләрен тапшырдылар, гаиләгә нык сәламәтлек, бәхет, иминлек теләделәр.

фото: ЗАГС бүлеге