Картаюдан курыксаң, су эч

Кайбер сыеклык организмның су балансын боза. Чәй, каһвә, алкоголь - шундыйлардан.

Ашыйсы яки эчәсе килү баш миенә бер үк төрле сигналлар белән барып ирешә. Кайчакта карын ачкан шикелле тоелса да, бу су җитмәүдән генә дә булырга мөмкин.

Баш мие 90 процент судан тора. Шуңа күрә күзәнәкләр, сусауны алдан тоеп, кеше хәлсезләнергә мөмкин.

Су җитмәгәндә организмда стресс вакытындагы шикелле тискәре процесслар башлана.

Су күзәнәкләрне файдалы матдәләр белән тәэмин итә. С һәм В группасы витаминнары сыеклык җитәрлек булганда гына үзләштереләләр.

Баш авыртуның да сәбәбе организмда су җитмәүдән булырга мөмкин, чөнки баш мие һәм кан тамырлары аннан башка эшли алмый.