Алтын ювелир бизәнгечләрне чистарту ысуллары

1. Бер стакан кайнаган суга 1 аш кашыгы кер порошогы һәм 1 аш кашыгы нашатырь спирты салып, алтыннарны шунда 2-2,5 сәгать тотыгыз.

2.  Ярты стакан суга 2-3 аш кашыгы тоз салынган катнашмада алтыннарны төнгә калдырыгыз (тоз урынына шикәр кулланып та эшләргә мөмкин).

3. Алтын балдакларны ярты стакан сабынлы су һәм 1 чәй калагы нашатырь спирты салынган катнашмада 1 сәгать тотыгыз.

4. Тигез күләмдә теш пастасы, вазелин, кыргычтан кырылган сабын һәм акбур, судан ясалган катнашманы йомшак чүпрәк белән алтынга сөртеп тотыгыз.

Әлеге ысулларның берсен кулланганнан соң, алтын бизәнгечләрне теш щеткасы белән чистартып җибәрегез, суда яхшылап юыгыз һәм чүпрәк белән корытыгыз.