Кукмарада баланы мәктәпкә әзерләү күпмегә төшә?
Мәктәпләрдә укулар башлануга ярты ай вакыт калып бара. Сатучылар инде уку әсбаплары кайтарталар. Аларны күреп, күзләр камаша: барысы ачык, төрле, чуар төсләрдә. Баланы мәктәпкә әзерләү җиңел мәсьәлә генә түгел, чыгымлы да. Мәктәп формасы, аяк киемнәре, букча һәм башка кирәк-яракларның бәясе кесәгә нык суга. Шуңа күрә август аенда гаилә бюджетында “кризис” килеп чыкмасын өчен, күпчелек әти-әниләр алданрак әзерләнә башлыйлар. Ә инде мәктәп – балалары беренче сыйныфка барачак ата-ана өчен аерым тема.
