Тагын бер маршрут кирәк

Мин Туеш ягында торам, икенче группа инвалид. Еш кына сәламәтлегем буенча район үзәк дәваханәсенә барырга туры килә. Әмма анда бару, минем өчен генә түгел, безнең якларда яшәүчеләргә зур проблема булып тора. Чөнки Туештан дәваханәгә туры гына бер транспорт та йөрми, бер маршруттан төшеп, икенчесенә утырырга кирәк. Өлкәннәр өчен бу бик авыр һәм мәшәкатьле. Беренче маршрут әйбәт кенә йөри бит, безнең яктан да дәваханәгә таба шундый даими йөри торган маршрут җибәреп булмасмы икән? Ә 4-5нче маршрутлар кайдан, кая баралар икән, белгән дә юк, газетада расписаниесе дә бирелмәде. Өлкәннәр декадасы уңаеннан безнең сүзләргә колак салсыннан иде.

Туеш бистәсендә яшәүче