Манзарас җирлегендә үзара салым акчасын түләүдән кемнәр азат ителә?

Газета аша бер сорауга җавап аласым килә. Безнең Манзарас авыл җирлегендә беренче төркем инвалидлар да үзара салым акчасын түли. Ә мин беренче төркем инвалидлар һәм 80 яшьтән узган өлкәннәр аны түләүдән азат ителә дип ишеткән идем. Авыл җирлеге хаклымы?

Газета укучы

Әлеге сорауга Манзарас авыл җирлеге башлыгы Рашидә Хәбибуллинадан түбәндәге җавап алынды:

- Үткән елларда җирлек советы утырышы карары һәм референдум нәтиҗәләре нигезендә үзкертем акчалары югары уку йортларында укучы студентлардан гына алынмады. Ә 2017 елда исә үзара салым түләүдән беренче төркем инвалидлар, күп балалы гаиләләр (дүрт баладан күбрәк), ялгыз бала үстерүче әниләр, 85 яшьтән өлкәнрәк пенсионерлар һәм көндезге бүлектә укучы студентлар азат ителәчәкләр.