Хәмәтдинов Минефәнис Фәләхетдин улының 60 яшьлек юбилее!

Аш-Буҗи авылында яшәүче Хәмәтдинов Минефәнис Фәләхетдин улының 4 октябрьдә гомер бәйрәме – 60 яшьлек юбилее. 

Хөрмәтле Минефәнис Фәләхетдин улы! Сез – авыл җанлы, тырыш, булдыклы кеше, тәвәккәл, хезмәтне күрә, бәяли белә торган гадел җитәкче. Сезнең кул астында эшләү – зур мәртәбә. Без сезне ихтирам итәбез, коллективыбызда хөрмәткә корылган мөнәсәбәтләр дәвамлы булсын иде.

Ихлас йөрәктән сезне күркәм бәйрәмегез белән котлыйбыз. Сау-сәламәт булып, балалар, оныкларыгызның игелеген күреп, алга таба да тормыш иптәшегез белән пар аккошлардай, тигез матур гомер итүегезне телибез. Кылган игелекле гамәлләрегез үзегезгә меңе белән әйләнеп кайтсын, хезмәтегез югары бәяләнсен.

Изге теләкләр белән “Әмирхан” кооперативы, “Кукмара сөте” комбинаты, “Адай икмәге” икмәк пешерү цехы хезмәткәрләре.