Сәмиева Разия Гомәр кызының 75 яшьлек юбилее!

Ядегәр авылында яшәүче әниебез Сәмиева Разия Гомәр кызының 6 августта 75 яшьлек юбилее. Кадерле әниебез, сине әлеге күркәм бәйрәмең белән котлыйбыз.

Кунакчыл, ачык йөзле, туры сүзле, ярдәмчел әни син безнең өчен. Бүген дә, авыр вакытларда да, киңәш сорап, сиңа киләбез. Барысы өчен зур рәхмәт сиңа! Аллаһ сине саулык-сәламәтлектән аермасын, бәрәкәтле озын гомер насыйп итсен, иңнәреңдәге шәфкать фәрештәсе сине беркайчан да ташламасын, балалар һәм онык-оныкчыклар бәхетенә сөенеп, кадер-хөрмәттә кадерле әни, хөрмәтле әби булып яшәргә язсын.

Һәрбер иртә сине куандырып,
Шатлык белән яңа таң атсын.
Күзләреңне сагыш яше түгел,
Шатлык яше генә чылатсын.

Сине яратып балаларың Илдар-Эльмира, Рәмзия-Фәтхрахман, Дамир-Гөлназ, оныкларың, оныкчыгың.