Рәшитов Мирхәйдәр Рәшит улының 70 яшьлек юбилее!

“Урал” җәмгыятенең баш хисапчысы, Манзараста гомер итүче Рәшитов Мирхәйдәр Рәшит улының 26 июньдә туган көне – 70 яшьлек юбилее.
Хөрмәтле хезмәттәшебез! Сез озак еллар авыл хуҗалыгы тармагында хезмәт куйдыгыз. Әлеге вакыт эчендә тырыш, нәтиҗәле эшегез белән зур ихтирам казандыгыз, күпләргә үрнәк, яшь белгечләргә тәҗрибәле остаз булдыгыз. Әле бүгенге көндә дә хезмәтегез белән хуҗалыгыбызның үсешенә лаеклы өлеш кертәсез.
Мирхәйдәр Рәшит улы, чын күңелдән юбилеегыз белән тәбрик итәбез. Сезгә озын гомер, нык сәламәтлек телибез, тормыш иптәшегез Тәнзилә апа белән балалар-оныклар янәшәсендә, аларның кадер-хөрмәтен тоеп, тыныч, матур, имин тормыш кичерергә язсын. Алга таба да кайгы-хәсрәткә бирешми, һаман шулай көчле рухлы һәм ярдәмчел, изге күңелле булып калыгыз.
Теләкләрнең кайсын теләсәк тә
Аз булыр күк сезнең хөрмәткә.
Аяз булсын сезнең күңел күге, 
Без калабыз шушы теләктә.
Ихтирам белән “Урал” җәмгыяте коллективы.