Ризванова Фирдәүсә Газиз кызының туган көне!

Зур Сәрдек авылында яшәүче кадерле кешебез – әниебез Ризванова Фирдәүсә Газиз кызының 4 декабрьдә туган көне.

Кадерлебез, сине юбилеең белән чын күңелдән котлыйбыз. Сиңа нык сәламәтлек, күңел тынычлыгы, гаилә бәхете, кайгы-хәсрәтсез көннәр, ак бәхетләр, балаларыңның һәм оныкларыңның игелекләрен күреп, бәхетле озын гомер кичерүеңне телибез. Киләчәктә дә сабыр холыклы, мәрхәмәтле, ярдәмчел, киң күңелле, олы йөрәкле булып кал. Гел шулай елмаеп, кешеләрне сөендереп яшә!

Һәр яңа көн бәхет алып килсен,
Алсу таңнар күмсен шатлыкка.
Яшәү дәрте янсын йөрәгеңдә,
Картаерга һич тә ашыкма.

Иң изге теләкләр белән тормыш иптәшең, киленнәрең, оныкларың, кода-кодагыйларың,  туганнарың исеменнән улларың Ленар, Зөлфәт.