Илсур Зәйниевның гомер бәйрәме!

Түбән Өскебаш авылында яшәп гомер кичерүче дустыбыз Илсур Зәйниевның бүген, 1 апрель көнне гомер бәйрәме – 75 яшьлек зур юбилее. 

Әле күптән түгел тормыш иптәше Хәлимә белән 50 ел бергә тату гомер итүләрен дә билгеләп уздылар. Алар бергә яшәү дәверендә уңган, тәртипле өч егет тәрбияләп, югары белем бирүгә дә ирештеләр. Уллары да һәрдаим ярдәм итеп, кайгыртып яшиләр. 

Зур хөрмәткә лаек, ярдәмчел дустыбыз Илсур, чын йөрәктән юбилеең белән котлыйбыз! Алдагы көннәрдә сау-сәламәт, пар канатлар булып, кадер-хөрмәттә, бәхетле озын гомер кичерүеңне телибез.

Кукмара шәһәрендә гомер итүче дустыгыз Миннур ГАФИЕВА гаиләсе.