Җиһаншин Ринат Габделхәй улының күркәм юбилее!

Зур Кукмара авылында яшәүче якын туганыбыз Җиһаншин Ринат Габделхәй улының 8 августта күркәм юбилее.

Кадерлебез! Сине ихлас күңелдән гомер бәйрәмең белән котлыйбыз. Син инде 40 елга якын гомереңне халык сәламәтлеге сагында торуга багышлыйсың. Гаять җаваплы һәм олы хөрмәткә лаек булган хезмәтеңдә Ходай бары тик уңышлар гына насыйп итсен. Без синең ачык йөзле, олы йөрәкле, туган җанлы, ярдәмчел булуыңа сокланабыз. Акыллы киңәшләрең, мәрхәмәтлелегең, кунакчыллыгың өчен зур рәхмәт. Аллаһы Тәгалә биргән гомернең кадерен белеп, пар канатың Рәйханә белән бер-берегезгә терәк һәм кирәк булып, балалар куанычына сөенеп, исәнлектә-саулыкта, күңел тынычлыгында, бәрәкәтле мул тормышта хәерле озын гомер кичерергә язсын.

Гомер юлың пар канатлы үтсен,
Өстәлеңдә сыйлар мулдан булсын,
Тормыштагы кылган игелегең
Үзеңә зур бәхет булып кайтсын.

Изге теләкләр белән БОГДАНОВлар, ХӘСӘНОВлар гаиләләре исеменнән апаң Люция.