Галимҗанова Фирая Фәләхетдин кызының тууына 55 яшь!

Аш-Буҗи авылында яшәүче кадерле кызыбыз, туганыбыз, гомере буе Аш-Буҗи авылында балаларга белем һәм тәрбия биргән педагог Галимҗанова Фирая Фәләхетдин кызының тууына 10 майда 55 яшь.

Фирая! Сине шушы матур гомер бәйрәмең белән чын күңелдән тәбрик итәбез, нык сәламәтлек, бәхетле имин тормыш телибез. Сабыр холыклы, олы йөрәкле, мәрхәмәтле, туганчылыклы булуың белән син безнең дә, авыл халкының да хөрмәт-ихтирамын яуладың. Син тормышка гашыйк булып, һәр көнгә сөенеп, шатланып яши беләсең. Бу – үзе зур бәхет. Әлеге бәхетең озын гомерле булсын!  
Киләчәктә дә тормыш иптәшең Гадил белән тигезлектә-татулыкта яшәп, кызларың Зөмәрә, Зөһрәнең, кияүләреңнең, оныкларыңның игелекләрен күреп,  бергә-бергә матур итеп яшәргә насыйп булсын.

Яшә һәрчак елмаеп та көлеп,
Күзләр генә берүк тимәсен.
Гел кояшлы булсын иртәләрең,
Күңелеңнән шатлык китмәсен!

Хөрмәт белән, сине яратып әти-әниең Флюра һәм Фәләхетдин, энең Тәлгать, абыең Фәнис гаиләләре. Шушы теләкләргә барлык туганнар, балалар  да кушыла.