Барлык укытучыларны, мәгариф ветераннарын Укытучылар көне белән тәбрик итәбез!

Район мәгариф идарәсе, мәгариф хезмәткәрләренең профсоюз оешмасы барлык укытучыларны, мәгариф ветераннарын Укытучылар көне белән тәбрик итә.

Укытучы һөнәре олы ихтирамга лаек. Ул илебезнең киләчәген, гасырлар язмышын хәл итә. Ветераннарыбызның фидакарь хезмәте, зур тәҗрибәсе, яшь укытучыларыбызның таланты Татарстанның бәхетле киләчәге өчен җаваплы, зыялы шәхесләр тәрбияләүдә зур көч булып тора.

Коллегалар, сезне һөнәри бәйрәмегез белән чын күңелдән котлап, авыр һәм җаваплы, мактаулы хезмәтегездә зур уңышлар, сәламәтлек, гаилә иминлеге телибез.