Кукмарадагы Шухов башнясы

Тасвирлама:
Киез итек-киез комбинаты территориясендә Кукмараның архитектура ягыннан истәлекле урыны – Россиянең танылган инженеры Владимир Шухов конструкцияләгән су башнясы урнашкан.
Адресы:
422110, Татарстан Республикасы, Кукмара районы, Кукмара шәһәре, Вахитов урамы, 1нче йорт

Шухов башнясы киез итек-киез комбинаты территориясендә урнашкан, хәтта анда экскурсияләр дә үткәрелә. Бу башня әлегә кадәр беренчел билгеләнеше буенча — су этем башнясы буларак кулланыла. Биеклеге — 25 метр, төзелгән елы — 1927, шуңа күрә архив документларында аның күләме дистәләгән мең чиләк саны белән дә исәпләнелә, хәзерге вакыттагы үлчәмдә 180 мең литрны тәшкил итә. «Башня безгә технология өчен кирәк. Производствобыз үз эшчәнлеген алып барганда, аңа ихтыяҗ зур. Башняны шәһәрнең теләсә кайсы ноктасыннан күрергә мөмкин. Ул — киртәләп алынган, махсус техник зона. Анда чит кешеләргә керергә ярамаганлыктан, аны туристлык максатларында Эйфель манарасы буларак файдаланып булмый», — дип ассызыклый предприятие тарихы музееның экскурсоводы Ирина Кисиль. Башняның нигезе — ике күпкырлык, бу — терәкләрне беркетүнең төп элементлары. Өске һәм аскы очлары аларга якынча 60 градус почмак белән тоташтырылган. Башняның кырыйлары ромбсыман формада. Унбер горизонталь металл боҗра өстәмә ныклык бирә.