3нче мәктәп - җиңүче

Кызлар арасында Кукмара 3нче урта мәктәбе командасы (тренеры Р.Шакирова) - беренче, А.М.Булатов исемендәге лицей командасы (тренеры Р. Шәймәрданов) - икенче, Нырья мәктәбе (тренеры В.Васильев) өченче урыннарны яуладылар.
Малайлар арасында беренче урында Кукмара 3нче урта мәктәбе, икенчедә - А.М.Булатов исемендәге лицей, өченчедә - Лельвиж мәктәбе (тренеры Ф.Кадыйров) командалары.
Призерлар медальләр һәм кубоклар белән бүләкләнделәр. Кызлар арасында 3нче урта мәктәптән Энҗе Галимуллина, малайлар арасында А.М.Булатов исемендәге лицейдан Артур Шәймәрданов иң яхшы уенчылар итеп танылдылар.
Турнирны оештырган һәм иганәчесе булган Илмар Тимершәех улы Шәймәрдановка олы рәхмәт!
Рәсемдә: җиңүче команда.