Административ регламентны үтәмәгән өчен – штраф

Район прокуратурасы район Башкарма комитетында муниципаль хезмәтләр күрсәтүне оештыру турындагы законнарның үтәлешен тикшерде. Бирегә үткән елның декабрь аенда крестьян-фермер хуҗалыгы башлыгы, терлекчелек фермасын эшләтә башлау өчен рөхсәт сорап, гариза белән мөрәҗәгать иткән. Әлеге рөхсәт кәгазе административ регламент буенча ун көн эчендә бирелергә тиеш булса да, фермерга кырык көннән соң гына бирелгән. Нәтиҗәдә район Башкарма комитеты җитәкчесе урынбасарына карата административ хокук бозу турындагы эш ачылып, 3 мең сум штраф билгеләнде.