Бәйрәм белән сине, Кукмарам!

Март. Аяз көн. Рәхәт һавада.

Әйтерсең лә, бар да җанлана.

Гүя бөтен халык урамда,

Нәрсә булды сиңа, Кукмара?

Ирләр бердәм, сугыш кырымыни

Һөҗүм итә чәчәк кибетен.

Ә ханымнар, Әби патша кеби,

Иң затлысын кигән киемнең.

Чәчәк сатучылар - кызларның

Икеләтә гүя бәйрәме.

Кибетләрдән инеш суы сыман

Агып тора чәчәк бәйләме.

Аксын, әйдә, аксын чәчәкләр,

Чәчәкләрдәй булсын күңелләр.

Чын күңелдән мин дә сокланам,

Бәйрәм белән сине, Кукмарам!

Заһид Сафин, Кукмара