Кукмарада "Юлларда куркынычсызлык" атнасы уза

6 майдан 12 майга кадәр Берләшкән милләтләр оешмасы юл хәрәкәтенең Икенче Глобаль куркынычсызлык атнасы үтә. Атналык җәяүлеләрнең иминлеге мәсьәләләренә багышлана. Әлеге вакыт аралыгында юл хәрәкәте иминлеге дәүләт инспекциясе хезмәткәрләре тарафыннан җәяүлеләр катнашындагы юл-транспорт һәлакәтләрен кисәтүгә юнәлтелгән чаралар үткәреләчәк.

-Хәрәкәт вакытында автомобиль йөртүчеләр тарафыннан җәяүлеләргә өстенлек бирмәү һәм юл йөрү кагыйдәләре бозылуга кагылышлы фактларны, иминлек каешы куймаучыларны, юл йөрү кагыйдәләрен үтәмәүчеләрне ачыклау буенча эшләр көчәйтеләчәк, - дип хәбәр итә ЮХИДИнең пропаганда бүлеге инспекторы Нурсил Мортазин.

фото: http://mvd.ru