Урам юынтык су түгү өчен түгел

Кайберәүләрнең бик начар гадәте бар: идән һәм кер юган суларын урамга чыгарып түгәләр. Без кечкенә чакта әбиләр, юынтык су түгелгән җиргә “бисмилла” әйтмичә басмагыз, чирләп китүегез бар, дип кисәтә иде. Күрәсең, ул начар энергетика белән бәйледер. Урамнан күпме кеше йөри, балаларның, хат ташучыларның шул урынга басулары бар. Җәен анда чебен-черки җыйналуын әйткән дә юк. Югыйсә, бакчада кечкенә генә урын көйләп, юынтык суларны шунда түксәң дә була бит.

Кадрия Г.