Мәгънәсез сүз сөйләшмик

Әниемә 86 яшь. Бу арада чирләп тора әле. Бер танышыма шул хакта борчылуымны әйткәч, ул бер дә исе китми генә: “И-и, ник борчыласың, минем әни белән синеке бер елгылар бит, минем әни үлгәнгә 5 ел булды инде”, - дип җавап бирде. Ничә яшьтә дә әни бик кадерле, аны бер дә югалтасы килми.  Аллаһы Тәгалә күпме гомер биргән бит: кемдер балачакта ук, кемдер урта яшьләрдә вафат була, кемдер бу дөньядан тирән картлыгын кичергәч кенә китеп бара. Шуңа да кеше гомерен күпсенергә ярамый. Мәгънәсез сүз сөйләшкәнче, “Терелер, Алла боерса”, - дип, бер-ике сүз белән хәлгә керү дә җитә.

Разыя

фото: pixabay.com