Зәйдә үткәрелгән милли көрәш ярышында районыбыз данын яклап 10 спортчы катнашты

Герой-шагыйрь Муса Җәлил призына Зәйдә үткәрелгән милли көрәш ярышларында районыбыз данын яклап 10 спортчы бил алышты. Алар 49 команда арасыннан Зәй, Казанның Яңа Савин районы, Теләче, Яр Чаллы командаларыннан гына калышып, бишенче позициядә калдылар. Үз үлчәү авырлыкларында призлы өченче урыннарны яулаучылар: Илсур Гыймадетдинов (60 килограмм), Марат Кәримуллин (75 килограмм) - Байлангар, Айнур Нәҗмиев (80 килограмм) - Олыяз, Фәнил Исмәгыйлев (130 килограммнан югары) - Ядегәр. Шушы ук бәйгедә Арча педагогия көллиятендә белем алучы, Югары Казаклар авылы егете Рамил Хәкимҗанов 65 килограмм үлчәү авырлыгында чемпион булды.