Янил мәктәбендә Рифкать Фәхретдинов призына волейбол ярышы үтте

Мәктәбебездә районкүләм зур чара - Фәхретдинов Рифкать Шәрип улы призына 24нче тапкыр уздырылучы волейбол ярышы узды. Шул уңайдан, ярышта катнашучыларны сәламләргә хөрмәтле кунакларыбыз, районкүләмендә танылган шәхесләр: Валерий Иванович, Рәфкать Абдуллович, Равил Мәгъсумович, Рифкать Шәрипович килде . Шунысы сөенечле: әлеге ярышның масштабы елдан-ел арта бара. Быел исә ул 7 төркем кызлар һәм 5 егетләр командасын туплады. Командалар бик көчле хәзерлекле булу сәбәпле, ярыш бик кызу һәм кызыклы барды. Егетләр арасында беренче урынны - Янил укучылары, икенчене - "Зилант", өченче урынны Вахит командасы яулады. Кызлар арасында исә беренчедә - "Зилант", икенчедә - Янил, өченчедә 4нче мәктәп укучылары булды. Катнашучы һәр командага олы рәхмәтебезне белдерәбез һәм укуларында зурдан-зур уңышлар теләп калабыз.

Чулпан Кәримуллина, Янил урта мәктәбе укытучысы