Вахиттә авыл җирлекләре арасында хоккей турниры узды (фотолар)

Вахит авылында"Вахитов исемендәге" авыл хуҗалыгы җитештерү кооперативы бүләгенә районыбызның авыл җирлекләре арасында хоккей турниры узды. Әлеге ярышта мөхтәрәм кунаклар: районның спорт һәм яшьләр эшләре идарәсе җитәкчесе Алмаз Гәләветдинов, "Вахитов исемендәге" хуҗалык җитәкчесе Нәфыйк Хөсәенов, Янил авылы җирлеге Башлыгы Илгизәр Корбанов, ярышта катнашучы командаларның авыл җирлеге башлыклары катнашты. Хоккей турнирында 5 команда: Вахит, Зур Сәрдек, Ядегәр, Олыяз, Сәрдекбаш авыллары көч сынашты. Зур, көчле уеннан соң 1 урында - Сәрдекбаш, 2 урында - Вахит, 3 урында - Зур Сәрдек, 4 урында - Олыяз, 5 урында Ядегәр командалары калды. Ярышта катнашкан барлык уенчыларга,оештыручыларга, җанатарларга зур рәхмәтләребезне җиткерәбез! Хоккей турнирыннан сезгә фоторепортаж тәкъдим итәбез.

Нияз Кәримуллин, Казан дәүләт мәдәният институты студенты. Автор фотолары