Туристик кэшбэкның күләме артачак

РФ Президенты Владимир Путин туристик кешбэкның күләмен арттырырга кушты. Мәсәлән, Ерак Көнчыгышка барганда исәп-хисап счетына 40 мең сумга кадәр акча кайтарылырга тиеш. Бу турыда "Татар-информ" МА хәбәр итә.

Әлеге йөкләмә Кремль сайтында урнаштырылган. Йөкләмәне үтәү вакыты 2022 елның 30 сентябренә кадәр билгеләнгән.

Элегрәк хәбәр ителгәнчә, көз көне Россиядә ил буйлап сәяхәт итү өчен туристик кешбэкның яңа этабы башланачак. Ростуризм аны үткәрүгә акча резервлаган инде.