Түбән Арбашта кышны озаттылар

Яз кызы Нәүрүзбикә кунакка килде. Кыш бабай да тиз генә китәргә ашыкмады. Яз кызы белән бик озак тарткалашты, кашыкка йомырка салып узышты, аркан да тартышып карады, табышмакларга җавап эзләде, коймак белән кайнар чәй дә эчте, соңыннан биеп ярышты.

Әллә арыды, әллә кайнар чәйнең тәэсире булды, Кыш бабаебыз хәлдән таеп егылды һәм Яз кызына юл биреп, китәргә булды. Җиһанга матур, җылы Яз килде, уңышлы – хәерле еллар булсын дип саубуллашты.

Бәйрәмгә килгән кешеләр белән “Күңелле лотерея” уены уйнап, төрле конкурслар оештырылды, соңыннан җыр- биюләрдә үткәрелде.