Татарстанда тәүлек эчендә коронавирусның тагын 40 яңа очрагы ачыкланган

Татарстанда узган тәүлектә коронавирусның 40 яңа очрагы ачыкланган. Бу хакта ТРда коронавирус буенча оператив штаб хәбәр итә.

Өч кеше чирне читтә йоктырып кайткан, калганнары якыннан аралашканда йоктырылган. 21 кеше дәваханәгә салынган, 19 кеше өйләрендә дәвалана.

Казанда – 19, Яр Чаллыда - 9, Актаныш, Яшел Үзән, Балык Бистәсе районында – икешәр, Әгерҗе, Югары Ослан, Алабуга, Лаеш, Питрәч, Саба районнарында - берәр авыру очрагы ачыкланган.

Бөтен вакыт эчендә Татарстанда Covid-19ның 19 235 очрагы теркәлгән, 16 001  кеше терелгән, шул исәптән 44 - узган тәүлектә.

Фото: «Татар-информ» МА