Татарстанда ел башыннан кече суднолар катнашындагы һәлакәтләрдә 9 кеше һәлак булган

Татарстанда 2026 ел башыннан кече үлчәмле суднолар белән бәйле җиде юл-транспорт һәлакәте теркәлгән. Нәтиҗәдә, 9 кешенең гомере өзелгән. Бу хакта Татар транспорт прокуроры Фәрит Фатуллаев хәбәр итте.

«Быел республика территориясендә кече үлчәмле суднолар катнашында 7 һәлакәт булды. Алар нәтиҗәсендә 9 кеше һәлак булды», – дип белдерде ул башка контроль органнары белән берлектә үткәрелгән рейд барышында.

Россия Гадәттән тыш хәлләр министрлыгының Татарстан Республикасы буенча Баш идарәсе мәгълүматларына караганда, профилактик чараларның төп максаты – су транспортыннан файдалану кагыйдәләрен бозучы судно йөртүчеләрне һәм законсыз эшләүче компанияләрне ачыклау.

Рейд нәтиҗәләре буенча 34 административ беркетмә төзелгән, ә 13 судно махсус штраф мәйданчыгына озатылган.

Ведомстволар су транспортыннан файдаланганда иминлек кагыйдәләрен төгәл үтәргә чакыра.