Кукмарада ир-ат танышының сәламәтлегенә зыян китергән өчен суд каршына басачак

Кукмара районы прокуратурасы 49 яшьлек ир-атка карата җинаять эше буенча гаепләү актын раслады. Ул аңлы рәвештә кешенең сәламәтлегенә уртача зыян салуда гаепләнә.

2024 елның 9 декабрендә көндез исерек хәлдәге гаепләнүче Кукмара шәһәрендәге өендә танышы белән ачуланыша. Конфликт нәтиҗәсендә ир-ат таныш хатынының башына һәм гәүдәсенә алты тапкыр суга, шуның нәтиҗәсендә аның башында ябык җәрәхәт барлыкка килә.

Фигурант үз гаебен таныды.

Җинаять эше карау өчен судка җибәрелде.