Кукмара районында коронавирусның яңа очрагы расланды

Татарстанда узган тәүлектә Covid-19 белән зарарлануның 38 яңа очрагы ачыкланган. Бу хакта коронавирус буенча оператив штаб хәбәр итә.

Барысы да якыннан аралашканда йоктырылган. 18 кеше дәваханәгә салынган, 20 кеше өйләрендә дәвалана.

Казанда коронавирус йоктыруның 12 очрагы ачыкланды, Яр Чаллыда – 16, Нурлат, Спас, Тукай районнарында – икешәр, Кайбыч, Кукмара, Лаеш, Менделеевск районнарында берәр очрак.

Татарстанда бөтен вакыт эчендә 20 310 Covid-19 белән зарарлану очрагы теркәлгән, 17 383 кеше терелгән, шуның 5се соңгы тәүлектә.

фото: Эльвира Мөбарәкшина/ «Хезмәт даны»