Кукмара районында ел башыннан 149 бала дөньяга килгән

Кукмара районында быелның 6 аенда 149 бала туган. Бу хакта район ЗАГС бүлеге җитәкчесе Зөлфия Латыйпова хәбәр итте. 

Яңа туган сабыйларның 88е — малай, 61е — кыз. Малайлар арасында иң популяр исемнәр: Госман, Ризван, Ислам, Йосыф, Искәндәр, Радэль, Раян, Әнвәр. Кызлар арасында: Зифа, Зәйнәп, Сәфинә, Сафия, Сәидә, Аиша, Дарина. Шулай ук кайбер әти-әниләр сабыйларга Эльман, Амаль, Рияз, Мия, Алтынай, Асель, Эльзана кебек сирәк очрый торган исемнәрне дә кушкан. 

Бу чорда 68 пар үзенең никахын рәсмиләштергән, 43 пар аерылышкан. Вафат булучылар саны — 284. Шуларның 152се — ир-атлар, 132се — хатын-кызлар.

фото: Ризилә Корбанова/ «Кукмор-информ»