Референдум үткәреләчәк

Халык референдумы - халык ихтыяры

20 ноябрьдә районыбызның поселок һәм авыл җирлекләрендә 2017 елда халыктан үзара салым җыюга кагылышлы референдум үткәреләчәк. Моннан тыш, поселок халкы шәһәр тибындагы Кукмара поселогына шәһәр статусы бирүгә үз мөнәсәбәтен белдереп тә тавыш бирәчәк. Киләчәктә яшәгән төбәгебезнең социаль һәм икътисадый хәле, тормыш дәрәҗәсе, яшәү шартлары шушы мәсьәләләрнең уңай хәл ителүенә дә бәйле. Шуңа райондашларыбызның үзара салым җыю, Кукмарага шәһәр статусы бирүгә битараф калмыйча, референдумда актив катнашулары кирәк.