Өлкәннәр гаебе белән тау шуучы сабый бала үлгән

Әлеге фаҗигале хәл 28 февральдә Биектау районы Мүлмә авылында, 16:15 сәгать тирәсендә була. 2008 һәм 2010 елгы ике оныгы белән таудан шуучы 1952 елгы әби кеше утырган чананы машина бәрдерә.

Тикшерүнең беренчел фаразлары буенча, RENAULT SANDERO STEPWAY машинасы белән идарә итүче 1976 елгы йөртүче аек булмаган. Өстәвенә тиешле тизлекне дә арттырган.

Йөртүченең исереклеге, әби кешенең җавапсызлыгы аркасында килеп чыккан фаҗига вакытында 6 яшьлек баланың гомере өзелде, дип хәбәр итә Татарстан Эчке эшләр министрлыгының матбугат хезмәте.

чыганак: http://intertat.ru/tt/yanalyklar/item/41939-%D3%A9lk%D3%99nn%D3%99r-gaebe-arkasyinda-sabyiy-bala-%D2%AFlg%D3%99n.html

фото: http://www.novoteka.ru/seventexp/5937190/12733984