Кукмарада яңа чаңгы юлы ачылды

Карның күп явуы - кемгәдер мәшәкать, ә чаңгы, чанада шуучылар өчен - зур шатлык. Район үзәгендә 40 ел сагынып көткән, хыялда гына күз алдына китергән яңа чаңгы юлы ачылды. Ул Ринат Мөхәммәтшин исемендәге үзәк стадион чишмәсеннән алып, Нурминкә суы буйлап Кукмара тау итәгеннән тау чаңгысы (слалом, сноуборд) базасына кадәр килә һәм кире әйләнеп кайта. 2017 метр юл мәктәп балаларына, ата-аналарга һәм өлкән яшьтәге спорт сөючеләргә дә ошар. Биредә төрле чаралар уздыру, ГТО нормалары тапшыру күздә тотыла. Бу зур масштаблы проектны оештыручы җитәкчеләргә һәм башлап йөрүче энтузиастларга зур рәхмәт.